အလောင်းစောင့်တဲ့ည
ရေးသားသူ - ဂမ္ဘီရရွာ
ဦးစိန်ဘဆိုလျှင် ဤနယ်တစ်ကြောတွင် မသိသူမရှိအောင် ကြွယ်ဝချမ်းသာသူတစ်ဦးဖြစ်သည် ။ နယ်မြို့လေးတစ်မြို့တွင် နေထိုင်သူ ဦးစိန်ဘသည် သရက်နှင့် လိမ္မော်ခြံအမြောက်အများကို ပိုင်ဆိုင်ထားပြီး အသက် ၅၀ အရွယ်ဖြစ်သည် ။ သားသမီးများ ၊ အခြွေရံသင်းပင်းများဖြင့် မြို့လယ်တွင် တင့်တယ်စွာ နေထိုင်နိုင်သူဖြစ်သည် ။
လွန်ခဲ့သော နှစ်လခန့်က ဦးစိန်ဘ၏ ညီကိုသာလှ တစ်ယောက် အဆုပ်ရောဂါဖြင့် တရှောင်ရှောင်ဖြစ်နေခဲ့ ရာမှရောဂါအခြေအနေဆိုးလာသောကြောင့် ဆေးရုံ တင်ထားရသည် ။
ကိုသာလှသည် ဦးစိန်ဘတို့ မွေးချင်း ၅ ယောက်ထဲတွင် အငယ်ဆုံးဖြစ်သည် ။ ထို့ပြင် ကိုသာလှသည် အိမ်ထောင်မပြုဘဲ လူပျိုကြီး ဘဝဖြင့် အစ်ကိုဖြစ်သူ၏အိမ်တွင် နေထိုင်ကာ ခြံအလုပ်များကိုလည်း ကြိုးစားလုပ်ကိုင်သဖြင့် ဦးစိန်ဘအတွက် လွန်စွာ အားကိုးရသူဖြစ်သည် ။
ယခု မြို့နယ်ဆေးရုံမှ မနိုင်၍ ခရိုင်ဆေးရုံသို့ ပြောင်းရွှေ့ကုသထားသည်မှာ တစ်ပတ်ခန့်ရှိပြီ ။ သို့သော် အခြေအနေက ထူးခြားမလာဘဲ တစ်နေ့ တစ်ခြား ဆုတ်ယုတ်လာခဲ့သည် ။
ဦးစိန်ဘသည် အလုပ်များအား လက်လွှတ်ထား၍ မရသောကြောင့် ရံဖန်ရံခါသာ သွားကြည့်နိုင်သည် ။ ဇနီးဖြစ်သူနှင့် သားသမီးများကတော့ အလှည့်ကျ လူနာစောင့် သွားကြသည် ။ ခရိုင်ဆေးရုံနှင့် ဦးစိန်ဘ နေထိုင်ရာမြို့မှာ မိုင် ၅၀
ကျော် ဝေးကွာသည် ။
သို့ဖြင့် တစ်ညနေတွင် ကိုသာလှသေဆုံးသွားပြီဟူသော သတင်းကို လူနာစောင့်သွားသော ဇနီးနှင့် သားသမီးများက ဖုန်းဆက်ပြောသဖြင့် ကိုစိန်ဘ သိလိုက်ရသည် ။ ညီဖြစ်သူအတွက် စိတ်မကောင်းဖြစ်ရုံမှလွဲ၍ ဘာမှမတတ်နိုင်ပေ ။
" ကိုစိန်ဘ ... အဲ့ဒါ ဘယ်လိုလုပ်မှာတုံး "
" ခင်မေ ... ဆေးရုံကနေ အလောင်းကိုထုတ်ပြီး ညတွင်းချင်းပြန်သယ်ခဲ့လေ "
" ရှင်မလာတော့ဘူးလား "
" အေးလေ .. ငါဒီမှာ စီစဉ်စရာရှိတာ စီစဉ်ထားလိုက်မယ် .. မင်းသာ အဆင်ပြေအောင်ကြည့်လုပ်ခဲ့ "
" အလောင်းကို အိမ်အထိသယ်မှာလား "
" မဟုတ်ဘူးလေ ... သချိုင်းကို တစ်ခါတည်းမောင်း ညတွင်းချင်း ဂူသွင်းလိုက်မယ် "
" ဒါဆို သရဏဂုံ တင်ဖို့က "
" အလောင်းသယ်ဖို့ကိစ္စ အဆင်ပြေတယ်ဆိုရင် ဖုန်းပြန်ဆက်လိုက်လေ .. ငါ ဆရာတော်ကို လျှောက်ထားလိုက်မယ် ... "
" ဒါဆို သချိုင်းကုန်းမှာ.စောင့်နေကြမှာပေါ့ "
" မင်းတို့ ထွက်လာပြီဆိုရင် ဖုန်းထပ်ဆက်ပေါ့ ...
အိမ်ကနေ စီစဉ်စရာရှိတာ စီစဉ်ပြီးတာနဲ့ ထွက်ခဲ့ကြမယ် "
" အေးပါ .. ဒါဆို အလောင်းသယ်ဖို့ကိစ္စ ဆေးရုံအုပ်ကြီးနဲ့ သွားတွေ့လိုက်ဦးမယ် .. ပြီးမှ ထပ်ဆက်မယ် ကိုစိန်ဘ "
" အေး အေး "
ထို့နောက် ဦးစိန်ဘသည် ပန်းရံသမားများကိုခေါ်ယူကာ သချိုင်းတွင် အုတ်ဂူအမြန် ပြုလုပ်စေသည် ။ အမြန်ပြီးစေရန် လူအင်အားတိုးကာ ခေါ်လိုက်ပြီး ညကိုးနာရီခန့်တွင် အုတ်ဂူပြီးစီးသွားသည် ။
သို့နှင့် ဇနီးသည်သည်ထံမှ ဖုန်းအဆက်ကိုစောင့်နေရာ ဖုန်းမလာပေ။ ထိုအချိန်တွင် မိုးကလည်း ရွာလေပြီ ။ ဦးစိန်ဘ ဖုန်းခေါ်သော်လည်း မရပေ ။ ဆက်သွယ်ရေးလိုင်းများ ပြတ်တောက်နေလေပြီ ။ တဖြည်းဖြည်းနှင့် ညဆယ်နာရီပင် ကျော်လာခဲ့လေပြီ ။
ဦးစိန်ဘတစ်ယောက် အိမ်တွင် ထိုင်ရမလို ထရမလို ဖြစ်နေသည် ။ ညတွင်းချင်း ဂူသွင်းမည့်အကြောင်းကို အိမ်နီးချင်း အချို့ကိုတော့ အသိပေးထားပြီးဖြစ်သည် ။
သို့သော် ဦးစိန်တို့ အသိုင်းအဝိုင်းသည် ငွေရှင်ကြေးရှင်များဖြစ်သည့်အလျောက် အဆင့်အတန်းခွဲခြားကာ ငွေဂုဏ်မောက်လွန်းသဖြင့် တစ်မြို့လုံး၏ ချဉ်ဖက်ဖြစ်သည် ။ ထို့ကြောင့် အတော်အတန်ရင်းနှီးသူ အနည်းငယ်သာ ရောက်လာကြသည် ။
ထိုအထဲတွင်မှ ညဘက်ဂူသွင်းမည်မို့ မိန်းမသားများက မလိုက်ဝံ့သဖြင့် ရောက်မလာကြ ။ ရောက်လာသော လူအနည်းငယ်အတွင်းကို ထပ်မံပိုင်းခြားသော် ညဦးပိုင်းတွင် ဆယ်ယောက်ခန့်ရှိသည် ။ ထိုမှတစ်ဖန် ညဥ့်နက်လာသော် အလိမ္မာဖြင့် ငြင်းဆိုကာပြန်သွားကြသည် ။
သို့ဖြင့် ည ဆယ့်တစ်နာရီထိုးသော် သူစိမ်းများအားလုံး ပြန်ကုန်ကြသည် ။ ဆေးရုံမှ အဆက်အသွယ်မရသေး ။
" အင်း ... ဒီပုံအတိုင်းသာဆို သူတို့ထွက်လာလောက်ပြီ .. ဖုန်းလိုင်းပြတ်နေလို့သာ သတင်းပို့မရတာဖြစ်မှာ ... ဘာပဲဖြစ်ဖြစ် ဒီညတော့ ရောက်လာမှာပါ ... ရှိတဲ့လူနဲ့ သွားမှာပေါ့ "
ဦးစိန်ဘတစ်ယောက် ထိုသို့စဉ်းစားမိသည်နှင့် အိမ်ထဲရှိ လူများထံသို့ မျက်လုံးဝေ့ကြည့်လိုက်သည် ။ အိမ်ထဲတွင် ဦးစိန်ဘ၏သား ကိုကိုနှင့် ခြံအလုပ်သမား သုံးဦးရှိသည် ။ အားလုံး လူငယ်တွေချည်း ။
" ကိုကို "
" ဗျာ အဖေ "
" သား သုသာန်ကို လိုက်ရဲလား "
ကိုကိုသည် ကြောက်တတ်သူမဟုတ် ။
" လိုက်ရဲတာပေါ့ .. ဘာကြောက်စရာရှိလို့လဲ "
" အဲ့ဒါဆို ... လှမြင့် ၊ ဖိုးအေးနဲ့ တင်ဦးတို့ "
" ဗျာ "
" ခင်ဗျာ "
" မင်းတို့သုံးယောက် ကိုကိုနဲ့ လိုက်သွား "
" ဘယ် ... ဘယ်ကိုလဲခင်ဗျ "
ဖိုးအေးက ကတုန်ကယင်ဖြင့် မေးလိုက်သည် ။
" သုသာန် ကိုလေ "
" ဗျာ ... "
ဖိုးအေးသည် ကြောက်တတ်သူမို့ ဦးစိန်ဘ၏ စကားကြောင့် နောက်သို့ အနည်းငယ်ပင် ဆုတ်မိသွားသည် ။
" ကျွန်တော်တို့က ဘာသွလုပ်ရမှာလဲ "
လှမြင့်နှင့် တင်ဦးတို့မှာ တော်တန်ရုံကို မကြောက်ဟု ဆိုနိုင်သော်လည်း ည ဆယ့်တစ်နာရီတွင် သချိုင်းကို သွားရမည်မို့ ကြောချမ်းနေမိကြသည် ။
" အလောင်းကို သွားစောင့်ရမှာ "
" အဖေ ... အမေတို့က အလောင်းသယ်လာပြီလား "
" ဖုန်းလိုင်းတွေပြတ်နေတော့ ဆက်သွယ်လို့ မရဘူးလေ ... လာတော့ လာမှာပဲ "
" ဒါဆို အဖေရော တစ်ခါတည်းမလိုက်ဘူးလား "
" အဖေက အလောင်းရောက်လာရင် ဆရာတော်ကို လျှောက်ဖို့ နေခဲ့ရမယ် ... ဒီလိုလုပ် .. သားက ဆိုင်ကယ်နဲ့သွား ... တကယ်လို့ သုသာန်ကို အလောင်းရောက်လာရင် အဖေ့ကို ပြန်လာပြော "
" ဒါဆို သူတို့ကရော "
" တင်ဦးတို့က ထော်လာဂျီနဲ့ သွားကြ ... ညနေကတည်းက ပြင်ဆင်ထားပြီးသား ... မောင်းသွားရုံပဲ "
" ဆရာ ... ကျွန်တော် .. မ. . မလိုက်ရဲဘူး "
ဖိုးအေးက မဝံ့မရဲဆိုသည် ။
" လုပ်ပါကွာ ... ငါ့ကိုကူညီတယ်လို့ သဘောထားစမ်းပါ ... အခုအချိန်ရောက်မှ အပြင်ကလူရှာဖို့မလွယ်ဘူး .. လိုက်သွားပါကွာ ... မင်းတို့သုံးယောက်ကို အဝတ်အစားတစ်စုံစီ ငါဝယ်ပေးပါ့မယ် "
ကျန်နှစ်ယောက်မှာ အဝတ်အစားဝယ်ပေးမည် ဆိုသဖြင့် တက်ကြွသွားကြသော်လည်း ဖိုးအေးမှာမူ အဝတ်အစားအပေါ် တပ်မက်စိတ်ကို ကြောက်စိတ်က အနိုင်ယူထားသည် ။ သို့သော် မလိုက်လျှင် မဖြစ်သည့်အခြေအနေမို့ အားတင်းကာ ခေါင်းညိတ်ခဲ့ရသည် ။
သို့ဖြင့် ည ဆယ့်တစ်နာရီခွဲခန့်တွင် ကိုကိုနှင့် လှမြင့်က ဆိုင်ကယ်ဖြင့်ရှေ့မှ ထွက်ကြပြီး တင်ဦးနှင့် ဖိုးအေးတို့က ထော်လာဂျီမောင်းကာ နောက်မှ လိုက်သွားကြသည် ။ ဦးစိန်ဘတစ်ယောက်တည်း အိမ်တွင် ကျန်ရစ်ခဲ့
လေသည် ။
သချိုင်းသည် မြို့အထွက် ကားလမ်းအတိုင်းသွားရပြီး မြို့ပြင်ရောက်သော် လမ်ခွဲလေးအတိုင်း တောစပ်သို့ သွားရသည် ။ လမ်းခွဲလေးအတိုင်း အတန်ငယ် သွားသော် တောစပ် တစ်နေရာတွင် မြို့သချိုင်းရှိသည် ။
မြို့သချိုင်းဟု ဆိုသော်လည်း လူတန်းစားမျိုးစုံနေထိုင်ရာ မြို့ငယ်လေးသာဖြစ်သောကြောင့် အုတ်ဂူရော မြေပုံများပါရှိနေသည် ။ တောစပ်မို့ ချုံနွယ်ပိတ်ပေါင်းထနေကာ သစ်ပင်ကြီးများပင်ရှိနေသည် ။
ကိုကိုနှင့် တင်ဦးတို့ ဦးစွာ ရောက်ရှိလာခဲ့သည် ။ ဆိုင်ကယ်ကို ဇရပ်အနီးတွင် ရပ်ထားလိုက်ပြီး ဆိုင်ကယ်မီးဖွင့်ကာ တင်ဦးတို့အလာကို စောင့်နေလိုက်ကြသည် ။
အနည်းငယ်ကြာသော် အဝေးမှ စက်သံသဲ့သဲ့ကို ကြားရသည် ။ ထိုမှတစ်ဖန် တစ်စတစ်စနဲ့  နီးလာရာ မကြာမီ တင်ဦးမောင်းလာသော ထော်လာဂျီသည် မီးရောင်တဝင်းဝင်းဖြင့် သချိုင်းထဲသို့ ဝင်လာလေသည် ။
သချိုင်းမြေဧရိယာသည် အတော်ကျယ်ဝန်းသဖြင့် ထော်လာဂျီကို ဇရပ်နားအထိ မောင်းဝင်နိုင်သည် ။ ထော်လာဂျီကိုလည်း ဇရပ်နှင့် မလှမ်းမကမ်းတွင် ရပ်ကာ အပေါ်မှ ပစ္စည်းအချို့ကို ချကြသည် ။ မီးစက်အငယ်တစ်လုံး ၊ မီးကြိုးများ ၊ မီးချောင်းများ ကို ချကြပြီး ဝိုင်းဝန်းပြင်ဆင်ကြသည် ။
ဖိုးအေးက ဖျာများချကာ ဇရပ်ပေါ်တွင်ခင်းနေသည် ။ မျက်လုံးနှင့် စိတ်အစဉ်ကမူ မငြိမ်သက်ပေ ။ မီးကြိုးများဆင်ပြီးချိန်၌ မီးစက်နှိုးရာတွင် နှိုး၍မရ
ပေ ။
" တင်ဦး ... အိမ်မှာ မစမ်းခဲ့ဘူးလား "
" စမ်းပါတယ် ... ဆရာကိုယ်တိုင်စမ်းတာပါ .. အိမ်မှာတုန်းက အကောင်းကြီးပဲ "
အားလုံး အကြပ်ရိုက်ကုန်သည် ။ ဇောချွေးပြန်အောင်ကြိုးစား၍ နှိုးသော်လည်း မရပေ ။
" ဘယ်လိုလုပ်ကြမလဲ ကိုကို "
" ရမှ မရတာ ... ဒီတိုင်းနေရုံပေါ့ .. အလောင်းလာမှ အဖေ့ကိုပြန်ခေါ်ရင်း နောက်တစ်လုံးယူလာရမယ် "
" ဒါဆို ဒီမှာဘယ်လိုနေကြမှာလဲ "
" ဓာတ်မီးထိုးနေကြပေါ့ "
" ဓာတ်မီးက နှစ်လက်တည်း .. ဖြစ်ပါ့မလား "
တစ်ယောက်တစ်ပေါက် ပြောနေကြသည် ။
" ဪ.. စက်ပေါ်မှာ ဖယောင်းတိုင်ပါသေးတယ် မဟုတ်လားဖိုးအေး "
" ပါ .. ပါသေးတယ် "
" သွားယူလေကွာ ... ဓာတ်မီးကြီးကိုင်ထားပြီး "
ဖိုးအေးလက်ထဲတွင် ဓာတ်မီးကိုင်ထားသဖြင့် လှမြင့်က သွားယူခိုင်းခြင်းဖြစ်သည် ။ ဖိုးအေးသည် မလှမ်းမကမ်း တွင် ရပ်ထားသော ထော်လာဂျီကို ကြည့်လိုက်သည် ။ ထော်လာဂျီသို့သွားရောက်ရန် အုတ်ဂူဖြူဖြူနှစ်လုံး ဘေးမှ ဖြတ်သွားရမည်ဖြစ်သည် ။ ထိုစဉ် ...
" အူ ... ဝူး ... ဝူး ..... "
တောခွေးအူသံကြီး ထွက်ပေါ်လာလေသည် ။ အားလုံးစိတ်ထဲတွင် သိမ်ငယ်သွားသလို ခံစားလိုက်ရ သော် ဖိုးအေးအဖို့တော့ ပြောစရာလိုမည်မထင်ပေ ။
" ငါ ... ငါမသွားရဲဘူးကွ "
" မင်းကလည်းကွာ ... ယောက်ျားမဟုတ်တာကျနေတာပဲ ... ပေး .. ဓာတ်မီး "
တင်ဦးက ဖိုးအေးကို ပြစ်တင်စကားဆိုရင်း ဓာတ်မီး လှမ်းတောင်းရာ ဖိုးအေးမှာ တစ်စုံတစ်ရာပြောဆိုခြင်းမပြုဘဲ ဓာတ်မီးကို တင်ဦးလက်သို့ လွှဲပြောင်း၍ ပေးလိုက်
သည် ။
" အူ ... ဝူး ....... "
ခွေးအူသံများမှာ အဆက်မပြတ်ထွက်ပေါ်နေပြီး လမိုက်ညမို့ မှောင်မည်းတိတ်ဆိတ်နေသည် ။ တင်ဦးသည် ဇရပ်ပေါ်မှဆင်းမည်အပြု ခြေလှမ်းတန့်သွားသည် ။
" ဂီး ... ဂစ် .. ဂစ် ... "
ဇရပ်ခေါင်မိုးပေါ်မှ ငှက်ဆိုးထိုးသံ ။ ဖိုးအေးကို ပြောထားသည့်အပြောကြောင့်သာမဟုတ်ရင် တင်ဦး ဆက်သွားမည်မဟုတ်။ ယခုမူ ... ။ စိတ်ကိုတင်းထားရင်း ဇရပ်ပေါ်မှဆင်းကာ လာခဲ့
သည် ။ ရှေ့တွင် အုတ်ဂူနှစ်လုံး ။ တစ်လုံးက သစ်လွင်လွင်ရှိသော်လည်း နောက်တစ်လုံးမှာ ဟောင်းနေပြီဖြစ်သည် ။
ခြေလှမ်းကျဲကြီးဖြင့် အမြန်သွားရာ ထော်လာဂျီဆီသို့ ရောက်သွားသည် ။ ရှာကြည့်တော့ ဖယောင်းတိုင် အတုတ် ၂ ထုပ်ကိုတွေ့သဖြင့် ယူကာ ပြန်လာခဲ့သည် ။ အုတ်ဂူအသစ်ရှေ့ အရောက်တွင် ရုတ်တရက် လက်ထဲမှ ဓာတ်မီးမှိတ်သွားသည် ။
" ဟာ ... ဒုက္ခပါပဲ "
ညည်းညူရင်း ဓာတ်မီးကို လက်ဝါးဖြင့်ရိုက်လိုက်ရာ မီးလင်းလာသည် ။ သို့သော် သူ့ရှေ့တည့်တည့် မြေပြင်ပေါ်မှ အရာကြောင့် တစ်ကိုယ်လုံး အေးစက်တောင့်တင်းသွားသည် ။
" ဟင် ... လက် .. လက်ပြတ်ကြီး "
တံတောင်ဆစ်မှ ပြတ်နေသော လက်ပြတ်ကြီးသည် အရိုးကျနေခြင်းမဟုတ် ။ ပုတ်ပွနေသယောင်ယောင် ။ တင်ဦးသည် စိတ်ခံစားမှုတစ်ခုကြောင့် တောင့်တောင့်ကြီး ရပ်နေရာမှ ခေါင်းကို အုတ်ဂူသို့ဖြည်းဖြည်းချင်း လှည့်ကြည့်ရင်း ဓာတ်မီးရောင်ကပါ အကြည့်နှင့်အတူ ရွေ့ပါသွားသည် ။
" ဟာ ... "
နှလုံးခုန်နှုန်းများ ပေါက်ထွက်လုမတတ် မြန်ဆန်သွားပြီး မွေးညင်းများမှာလည်း သံလိုက်ဆွဲအားနှင့် အဆွဲခံရသည့်အလား ထောင်တက်ကုန်သည် ။ အုတ်ဂူစွန်းတွင် ပက်လက်အိပ်နေသော မိန်းကလေးတစ်ယောက် ။
သူမ၏ ဇက်သည် အုတ်ဂူနှင့် လွတ်နေသဖြင့် နောက်သို့ လှန်ချထားလေရာ တင်ဦးကို ဇောက်ထိုးကြီး ကြည့်နေသကဲ့သို့ ဖြစ်နေသည် ။ ဆံပင်များ ဖွာလန်ကျဲနေပြီး မျက်နှာတွင် အသားဟူ၍ စိုးစဉ်းမျှ မရှိဘဲ အရိုးငေါငေါ ၊ မျက်ကွင်းညိုကြီး ဖြင့် စိုက်ကြည့်နေခြင်းဖြစ်သည် ။
တင်ဦးသည် အသက်ပင် မရှူမိဘဲ အသိကင်းမဲ့ကာ သူမအား ကြည့်နေမိရာမှ အစွယ်ငေါငေါဖြင့် ရယ်ပြလိုက်သော သူမ၏ ကြောက်မက်ဖွယ်ရာမျက်နှာကြီးကြောင့် အသိပြန်ဝင်လာလေသည် ။
" အောင် .. မ .. လေး .. ဗျ ... "
အားကုန်အော်ဟစ်ကာ ဇရပ်ဆီသို့ ပြေးသွားရာ မြေပြင်မှ လက်ပြတ်ကြီးကိုပင် သတိမရတော့ ။ ဇရပ်ပေါ်မှလူများမှာ အော်ဟစ်ပြေးလာသော တင်ဦး၏အဖြစ်ကို မသိကြသဖြင့် အကြောင်သားငေးကြည့်နေကြသည် ။
" သရဲ ... သရဲ ... "
" ဘုန်း .. "
တင်ဦးတစ်ယောက် ဇရပ်ပေါ်အတက်တွင် မှောက်ရက်လဲကျသွားသဖြင့် အားလုံးအမြန်ထူပေးလိုက်ကြရသည် ။
" ဘာဖြစ်တာလဲ တင်ဦး "
" ဘာဖြစ်တာလဲ "
" သ .. သရဲမ. .. သရဲမကြီး "
ဖိုးအေးမှာ နေစရာမရှိအောင်ပင် ကြောက်သွားရသလို လှမြင့်လည်း တုန်လှုပ်သွားသည် ။
" ဟုတ်လို့လား တင်ဦးရာ "
ကိုကိုက လက်မခံချင်ပေ ။
" အူ ... ဝူး ... "
အဆက်မပြတ်အူနေသော ခွေးအူသံ ၊ မှောင်မိုက်သောည ၊ တိတ်ဆိတ်နေသောပတ်ဝန်းကျင်သည် ကြောက်တတ်သူအဖို့ သွေးပျက်ဖွယ်ရာ အသွင်ကို ဆောင်နေသည် ။
" ဟုတ်တယ် ကိုကို ... ငါ သေချာမြင်လိုက်တာ .. ငါ တော်ရုံဆို မကြောက်တတ်တာ မင်းလည်းသိသားနဲ့ "
" ဘယ်မှာတွေ့တာလဲ "
" ဟို .. ဟိုအုတ်ဂူပေါ်မှာ ပက်လက်ကြီး ... ဖယောင်းတိုင်ထုပ်တွေတောင် အဲ့နားမှာ ပြုတ်ကျခဲ့တာ "
" ကောင်းပြီလေ ... ငါသွားကောက်လိုက်မယ် "
" မ .. မသွားပါနဲ့ကွာ "
" ဘာလို့လဲဟ "
ထိုအခါ လှမြင့်ကပါ ဝင်ပြောသည် ။
" ဟုတ်တယ်ကိုကို ... ငါတို့ ဓာတ်မီးနဲ့ပဲ နေလို့ရပါတယ် "
" မဟုတ်တာကွာ "
ကိုကိုက ထိုသို့ပြောကာ ဇရပ်ပေါ်မှ ဆင်းလိုက်သည် ။ တစ်နာရီ ထိုးပြီးသွားပြီ ။
" အူ ... ဝူး ..... "
ခွေးအူမြဲအူနေပြီး ညဥ့်ပိုးကောင်တို့၏ အော်မြည်သံများမှာ ထူးဆန်းစွာ ကွယ်ပျောက်နေသည် ။ ကိုကိုသည် ဟိုဟိုသည်သည် ဓာတ်မီးဖြင့်ဝေ့ကြည့်ရင်း လျှောက်လာခဲ့သည် ။ မကြာမီ အုတ်ဂူရှေ့တွင် ဖယောင်းတိုင်ထုပ်ကိုတွေ့ လိုက်ရသဖြင့် အုတ်ဂူပေါ်သို့ တစ်ချက်ဝေ့ကြည့်ကာ ဖယောင်းတိုင်ထုပ်ကို လှမ်းကောက်လိုက်သည် ။
" ဟင် .... "
မခံစားဖူးသော ခံစားချက်ကြောင့် ကျောရိုးတစ်လျှောက် စိမ့်တက်သွားသည် ။ အေးစက်စက် အထိအတွေ့ ။ မျက်လုံးကို ကစားကြည့်လိုက်တော့ ဖယောင်းတိုင်ထုပ်ကို လှမ်းကောက်သော မိမိလက်ကို ဆုပ်ကိုင်ထားသော လက်တစ်ဖက် ။ ပိန်ကပ်ကပ်လက်ကလေးသည် ရေခဲတုံးတမျှ အေးစက်နေသည်။ မသိမသာ တိုးဝင်နေသော ကြောက်စိတ်ကိုအတင်း
ပြန်မောင်းထုတ်လိုက်ပြီး အသက်ကို မှန်မှန်ရှူကာ ထိုလက်
၏ လက်ချောင်းမှစကာ အရင်းအတိုင်း မီးဖြင့် တရွေ့ရွေ့
ထိုးသွားလိုက်သည် ။
" ဟင် .. "
ကိုကို ပါးစပ်အဟောင်းသား ဖြစ်သွားသည် ။ အဆိုပါလက်သည် လက်မောင်းရင်းနေရောအရောက်တွင် အုတ်ဂူနှင့် ထိစပ်သွားသည် ။ ချွေးစို့လာပြီ ။ မိမိလက်အား မလွှတ်တမ်းဆုပ်ထားသော ထိုလက်ကို ခြေဖြင့်နင်းကာ အတင်းဆွဲယူလိုက်မှ လွတ်သွားသည် ။ ကိုကိုသည် ထိုလက်အား မီးဖြင့်ထိုးကြည့်နေရာမှ လက်သည် တဖြည်းဖြည်းတိုသွားကာ အဆုံးတွင် အုတ်
ဂူတွင်းသို့ ဝင်ရောက်ပျောက်ကွယ်သွားလေသည် ။
အဆိုပါဖြစ်ရပ်ကို လက်မခံနိုင်သဖြင့် အုတ်ဂူကို သေချာကြည့်လိုက်ရာ ထူးခြားမှုတစ်ခုကို တွေ့လိုက်ရသည် ။ အုတ်ဂူဘေးဖက် တစ်နေရာသည် အလိုလို အပြင်သို့ ဖောင်းထွက်လာသည် ။ ထိုသို့ဖောင်းထွက်လာရင်း အဆုံးတွင် အမျိုးသမီး တစ်ဦး၏ ခေါင်းတစ်လုံး အပြင်သို့ရောက်လာကာ အုတ်ဂူတွင် ကပ်လျက်ကြီးဖြစ်နေသည် ။
ကိုကိုသည် အိမ်မက်လူသားပမာ ခံစားနေရပြီး ထိုခေါင်းကြီးကို မမှိတ်မသုန် စိုက်ကြည့်နေမိသည် ။ ခေါင်းကြီးသည် ကြောက်မက်ဖွယ်ရာ မျက်နှာသွင်ပြင်မျိုး ရှိနေပြီး ဆံပင်များက အောက်သို့ တွဲကျနေသည် ။ မျက်တွင်းဟောက်ပက် ၊ ပါးရိုးကားကား ၊ အရိုးပေါ် အရေတင် ၊ အစွယ်ဖွေးဖွေးတို့မှာ ကိုကို၏ စိတ်များကို အဝေးသို့ ဆွဲခေါ်သွားသည် ။
ထို့နောက် ခေါင်းကြီးသည် နောက်သို့ ပက်လက် လှန်ချလိုက်ရာ ကိုကို့ကို ဇောက်ထိုးကြည့်သလိုဖြစ်သွားကာ ပို၍ ကြောက်စရာကောင်းသွားသည် ။
" အား .... "
ဓာတ်မီးရော ၊ ဖယောင်းတိုင်ထုပ်ပါ လွှတ်ချကာ ပြေးမိပြေးရာပြေးရာ ခလုတ်တိုက်ကာ လဲကျသွားရင်း အုတ်ဂူစွန်းနှင့်ခေါင်း ဆောင့်မိကာသတိပါမေ့သွားလေသည် ။
ထိုအချိန်တွင် သချိုင်းထဲသို့ ကားတစ်စီးဝင်လာသည် ။ ဦးစိန်ဘ ဖြစ်သည်။ မကြာသေးမီက ဖုန်းလိုင်းများ ပြန်လည်ကောင်းမွန်လာသဖြင့် ဇနီးသည်ထံမှ အဆက်အသွယ်ရ၍ လိုက်လာခြင်းဖြစ်သည် ။
အလောင်းထုတ်ရန် ဒီညအဆင်မပြေသေး၍ မနက်မှ ရောက်မည်ဖြစ်ကြောင်းကို သိသိချင်း သချိုင်းသို့ လိုက်လာခဲ့ခြင်းဖြစ်သည်။ သူအရောက်မြန်ပေလို့သာပေါ့ ။ ထို့နောက် သတိမေ့နေသော ကိုကိုကို ဝိုင်းဝန်းပြုစုပေးကာ သတိရလာသည်နှင့် သချိုင်းမှ ပြန်ခဲ့ကြသည် ။
တင်ဦးနှင့် ဖိုးအေးကို ထော်လာဂျီဖြင့် ရှေ့မှ အရင်ပြန်စေသည် ။ လှမြင့်ကို ဆိုင်ကယ်ဖြင့် လိုက်စေသည် ။ ကိုကိုကို ဦးစိန်ဘ၏ ကားပေါ်တွင် လိုက်ပါစေကာ နောက်ဆုံးမှ ပြန်ခဲ့ကြသည် ။
အလောင်းစောင့်တဲ့ည ရဲ့ အတွေ့အကြုံသည် ကိုကို့ ဘဝကို အကြီးအကျယ် တုန်လှုပ်ခြောက်ခြားသွားစေမှာ အမှန်ပါပဲ ။
ပြီးပါပြီ။
