ဆေးလိပ် တောင်းသောက်တဲ့ သရဲ
ရေးသားသူ - မိုးစက်
အချိန်ကား ည (၂) နာရီခန့်…
“ ကလင်…ကလင်…ကလင်” ဖုန်းမြည်သံ….
“ ဟုတ်ကဲ့ အမိန့်ရှိပါခင်ဗျာ (…………) မြို့နယ်ရဲစခန်းက တာဝန်မှူးပါခင်ဗျာ ”
တစ်ဖက်ဖုန်းမှ ပြောသောစကားကြောင့် ကျနော်
“ ဟုတ်ကဲ့ခင်ဗျ နေရာအတိအကျလေးပြောပေးပါခင်ဗျ…………..ကောင်းပါပြီခင်ဗျာ ကျနော်တို့အခုပဲလာခဲ့ပါမယ်ခင်ဗျ”
ဆောင်းတွင်း ဒီဇင်ဘာလရဲ့ အေးစက်မှုတို့က ရင်ထဲမှာ ခိုက်ခိုက်တုန်စေသည်။ ညလုံးပေါက် တာဝန်မှူးဝင်ရမည်ဖြစ်သောကြောင့် အကြမ်းရေကို ဓါတ်ဘူးထဲအပြည့်ထည့်ထားပြီး အေးစက်မှုကို အံတုစေတယ်။ ဒီလိုညတွေဟာ မိသားစုနဲ့ နွေးထွေးစွာ မှေးစက်ရမည်ဆိုပါက တန်ဖိုးဖြတ်နိုင်လိမ့်မည်မဟုတ်။ သို့သော်….. တာဝန်ဆိုတာ လွန်ဆန်လို့မရနိုင်ဘူးလေ…။ ယူနီဖောင်းဝတ်လိုက်ပြီး… နဘေးတွင် စာထိုင်ဖတ်နေသော တပ်ကြပ်ကြီးအား
“ ကဲ….ဆရာကြီးရေ ကိစ္စတော့ရှိလာပြီဗျ ယူနီဖောင်းဝတ်ပြီး လိုက်ခဲ့ပါအုံး”
“ဟုတ်ကဲ့ဗိုလ်လေး… ” တပ်ကြပ်ကြီးလည်း ယူနီဖောင်းဝတ်တော့သည်။
“ ဆရာကြီးရေ… ရဲဘော်တစ်ယောက်ပါ ခေါ်ခဲ့လိုက်ဗျာ”
“ ဟုတ်ကဲ့…ဗိုလ်လေး”
ဟုတ်ကဲ့….ဆိုသော စကားဖြင့် ရဲတပ်သား တစ်ယောက်အား တပ်ကြပ်ကြီးမှ လိုက်ခဲ့စေသည်။ အေးလိုက်တာဗျာ…. ယူနီဖောင်းအပေါ်ကနေ ကုတ်တစ်ခုထပ်ဝတ်ထားသော်လည်း အေးစိမ့်မှုကို အံမတုနိုင်သေးပေ။ (ဗိုလ်လေး= ရဲတပ်ဖွဲ့ဝင်အချင်းချင်း ဒုရဲအုပ်အား လေးစားသမှုဖြင့် ခေါ်သောစကား)
စခန်းမှ ကျနော်တို့ သုံးယောက်ဆိုင်ကယ်ကိုယ်စီဖြင့် ထွက်ခွါလာခဲ့သည်။ မြူခိုးတွေဝေ … မှောင်မဲနေသော…. အေးစက်စွာနဲ့ … အုံ့ဆိုင်းဆိုင်း သစ်ပင်တို့… ခြောက်ခြားဖွယ် ခွေးအူသံတွေ… မြေနီလမ်းလေးအတိုင်း….. ခရီးဆက်လာခဲ့ရာ…..
“ဗိုလ်လေး…ခဏလေးဗျာ ကျနော်အပေါ့သွားလိုက်အုံးမယ်”
ရဲတပ်သားလေးမှ မအောင့်နိုင်တော့လို့ထင်ပါရဲ့ ။
“ ဟာ… မင်းကလည်းကွာ လုပ်လုပ်… မြန်မြန်လုပ်”
သုံးယောက်သားဆိုင်ကယ်ရပ်လိုက်တယ်။ လမ်းဘေးဝဲယာမှာတော့ ကျူပင်တွေက ကျနော်တို့အရပ်ထက်ကျော်လွန်ပြီးပေါက်ရောက်နေတယ်။ ကျူပင်တွေရဲ့ နောက်ကွယ်မှာတော့ အုံးဆိုင်းဆိုင်း ကုက္ကိုလ်ပင်တွေနဲ့ အခြားအပင်တွေ အစီအရီပေါက်ရောက်နေတယ်။
“ သွား… မြန်မြန်လုပ် ငါတို့ဒီကစောင့်နေမယ် ”
“ ဟုတ် … ဗိုလ်လေး”…။
အိတ်ကပ်ထဲမှ စီးကရက်ဗူးကိုထုတ်လိုက်ပြီး
“ ရော့…ဆရာကြီး သောက်အုံး”
“ ဟုတ်…ဗိုလ်လေး”
စီးကရက်တစ်လိပ်ကို တပ်ကြပ်ကြီးအား သောက်စေသည်။ ကျနော်လည်း စီးကရက်တစ်လိပ်မီးညှိလိုက်ပြီး ခပ်ပြင်းပြင်းတစ်ရှိုက်ရှိုက်လိုက်သည်။ ရှိုက်သွင်းလိုက်သော စီးကရက်ငွေ့ နွေးနွေးတို့ကြောင့် နေသာထိုင်သာရှိသွားတယ်။ နာရီကို ကြည့်လိုက်တယ် ၂ နာရီ ၁၀မိနစ်။
“ ဗိုလ်လေးပြီးပြီဗျ…သွားကြမယ်”
“ နေဦးကွာ … တစ်လိပ်လောက်သောက်လိုက်အုံးမယ်… ရော့ မင်းလည်းသောက်” ။
အသံတစ်ခုကြားလိုက်တယ် ။ ဒါပေမယ့် လမ်းဘေးခြုံထဲ အကောင်တစ်ကောင်ကောင် ဝင်သွားတယ်ပဲ မှတ်ယူလိုက်တယ်။
“ ဆောင်းလေကလည်းဗျာ… တိုက်တာ အေးလိုက်တာ” တပ်ကြပ်ကြီးနဲ့ ရဲတပ်သားလေး မျက်လုံးပြူးသွားတယ်
“ ဟင်… ဗိုလ်လေး လေမတိုက်ပါဘူးဗျာ”
“ အခုလေးတင်တိုက်တာကွ ငါ့နှယ် စိမ့်သွားတာပဲ”
ပြောနေစဉ်မှာပင် ကျနော်တို့မျက်စိတစ်ဆုံးမှ အမှောင်ထဲတွင် ခွေးတစ်ကောင် လှမ်းကြည့်နေသည်ကို တွေ့လိုက်ရတယ်။ ထိုစဉ်မှာပင် ခွေးသည် ဆွဲဆွဲငင်ငင် ကျနော်တို့ဘက်ကြည့်ပြီး အူပါတော့တယ်။ ခြောက်ခြားစရာအသံဖြင့် အူနေသော ခွေးကို လေးခွနဲ့မထိအောင်လှမ်းပစ်လိုက်တယ်…။ခွေးကမကြောက်ဘဲ ထပ်ပြီးအူပြန်တယ်…။ ကျနော် ကြက်သီးမွေးညင်းထသွားတယ်။ ဆရာတော်တစ်ပါးမိန့်ဖူးသော စကားကို သတိရမိသည်။ မိမိအတွက်ဘာမှခြောက်ခြားစရာမရှိပါဘဲ ကြက်သီးထရင် မိမိအနားမှာ နာနာဘာဝပုဂ္ဂိုလ် ရောက်နေတတ်တယ်တဲ့ ။
ကျနော်တို့အနားက တစ်ယောက်ယောက် ဖြတ်လျှောက်သွားသလို ခံစားလိုက်ရတယ်။ တပ်ကြပ်ကြီးနဲ့ ရဲတပ်သားလည်း ကျနော့်ကို ကြောင်အမ်းအမ်း လှမ်းကြည့်ကြတယ်။ ခွေးကဆက်တိုက် အူနေတယ်။ ကျနော်တို့သုံးယောက် အနောက်ဘက်ကျူပင်ခြုံတောထဲမှ အသံတွေထပ်ကြားရပြန်တယ်။ သုံးယောက်သား ခေါင်းညိတ်အချက်ပြပြီး ဓါတ်မီးကိုယ်စီကိုင်ကာ ဟိုဟိုဒီဒီ လိုက်ကြည့်သည်။ ဘာမှမတွေ့ရပေ။ သို့နှင့်
“ လာဗျာ သွားကြမယ်… ဘာမှမဟုတ်ပါဘူး” ဆိုပြီး ဆိုင်ကယ်ပေါ်ခွမည်အပြု…. အံ့သြစရာကောင်းလောက်အောင် ခုနက ခွေးကထွက်ပြေးသွားသည်။ ခွေးလေးအထိနာသွားတယ်ထင်သည်။
“ ကိန်…ကိန်…ကိန်”
အော်သံနှင့်အတူထွက်ပြေးသွားသော ခွေးကို ကြည့်ပြီး အံသြမိသည်။ ကျနော်တို့လည်း ထိုခွေးကို ဘာမှမလုပ်လိုက်ပါ။ သို့နှင့် … ဆိုင်ကယ်စက်နှိုးပါတော့တယ်….ဘယ်လိုဖြစ်တာတုန်းဟ… စက်ကမနိုးဘူးဖြစ်နေတယ်…ပြီးတော့ ကျနော်တစ်ယောက်တည်းမဟုတ် သုံးယောက်လုံးဆိုင်ကယ်က မနိုးဘူး…။ စတက်နဲ့ နှိုးမရတော့ ကစ်နဲ့ နှိုးတယ် … ။ မရပြန်ဘူး ဘယ်လိုနှိုးနှိုး သုံးယောက်လုံးဆိုင်ကယ်က မနိုးဘူးဖြစ်နေတယ်။
“ ကဲ…. တစ်ယောက်ယောက်တော့ နှောက်ယှက်နေပြီ”
“ ဟုတ်တယ် ဗိုလ်လေးရေ” ဆိုပြီး ရယ်ကျဲကျဲဖြင့် တပ်ကြပ်ကြီးက ပြန်ပြောသည်။
ရဲတပ်သားလေးကတော့ ပြောင်ပြောင်နောက်နောက်ပဲ “ အဲဒါဆိုလည်း… ဖမ်းသွားကြတာပေါ့ ဗိုလ်လေးရေ” ဆိုပြီး လှမ်းနောက်တယ်။
စီးကရက်တစ်လိပ်ထပ်ပြီး မီးညှိလိုက်တယ်။ ပြီးတော့ ဆိုင်ကယ်ခြင်းထဲကို စီးကရက်ဘူး ပစ်ထည့်လိုက်တယ်။ ထို့နောက်…. ကျနော်ကိုယ်တိုင်
“ အခု နှောက်ယှက်နေသော ပုဂ္ဂိုလ်ရေ… ကျနော်တို့က နိုင်ငံတော်အာဏာပိုင်အဖွဲ့အစည်းဖြစ်တဲ့ ရဲတပ်ဖွဲ့ဝင်တွေဖြစ်တယ်… ကျနော်တို့အခု ပြည်သူတွေကို ကူညီဖို့ကိစ္စတစ်ခုနဲ့ ခရီးဆက်လာတာဖြစ်တယ်… ဒါကြောင့် ကျနော်တို့ကို မနှောက်ယှက်ပါနဲ့ … လိုအပ်သော အကူအညီရှိရင် အရိပ်အမွှတ်ပြပြီးပြောပါ… ကူညီပါမယ်.. အခုလုပ်ရပ်ကို ရပ်တမ်းက ရပ်လိုက်ပါ”
လို့ ပြောလိုက်တော့…ကျနော့်ဆိုက်ကယ်ခြင်းထဲက စီးကရက်ဗူးလေးဟာ ဆိုင်ကယ်လည်း မလှုပ်မရမ်းပါဘဲနဲ့ လှုပ်ခါသွားတယ်…။ အဲဒါနဲ့ ကျနော်လည်း သဘောပေါက်လိုက်တယ်။ စီးကရက်ဗူးထဲက စီးကရက်တစ်လိပ်ထုတ်လိုက်ပြီး မီးညှိကာ လမ်းဘေးတွင်ချလိုက်ပြီး ….
“ ကဲ… ခင်ဗျားကို ကူညီပေးပြီးပြီ … ကျနော်တို့ကို မနှောက်ယှက်နဲ့တော့လို့ ပြောလိုက်တယ်”
ပြီးတော့ ဆိုင်ကယ်ကို စက်နှိုးလိုက်တယ်။ ချောချောမွေ့မွေ့ပင် စက်နိုးလေသည်။ တပ်ကြပ်ကြီးနဲ့ ရဲတပ်သားတို့ကတော့ ကျနော့်ကို ကြည့်ပြီး ရီနေကြတယ်။ နောက်နေ့မနက် စခန်းမှာ ထိုဖြစ်စဉ်ကို တပ်ကြပ်ကြီးနဲ့ရဲတပ်သားမှ
“ ဗိုလ်လေး… အဲဒီလိုလုပ်ရမယ်လို့ ဗိုလ်လေးဘယ်လိုသိတာလဲ”
“ ဒီလိုဗျ… ကျနော် သတိရမိတာဗျ လွန်ခဲ့တဲ့ ၁ လလောက်က အဲဒီနေရာမှာ ဆိုက်ကယ်မှောက်သေဆုံးခဲ့တဲ့ လူတစ်ဦးရှိတယ်လေ… အဲဒီဖြစ်စဉ်တုန်းက ကျနော်လိုက်ပြီး ဆောင်ရွက်ခဲ့တာ … သေဆုံးသူရဲ့ ဆိုင်ကယ်ခြင်းထဲမှာ စီးကရက်တစ်ဗူးတွေ့တယ်… အဲဒီဖြစ်စဉ်ကို သတိရလိုက်တာ…ကဲ…သိကြပြီလား”
ထိုတော့မှ… “ သြော် … သိပါပြီ..သိပါပြီ….လေးစားပါတယ်ဗျာ” ……..
