အခန်းထဲမှာ ငါရှိတယ်
မိုးတို့ အိမ်ရှေ့ကိုရောက်တော့ တစ်ရပ်ကွက်လုံးပင် မှောင်မဲတိတ်ဆိတ်နေပြီ။ လကွယ်ညဖြစ်သောကြောင့် ဘာကိုမှပင် မမြင်ရတော့။ အိမ်ကလည်း အိမ်သစ်မို့ မိုးတို့နဲ့ အကျွမ်းတဝင်မရှိသေးတာမို့ အမှောင်ထဲမှာ စမ်းတဝါးဝါးဖြင့် အထဲဝင်ရသည်။
အိမ်တံခါးဖွင့်ပြီး မီးဖွင့်လိုက်တော့မှ အလင်းရောင် ရလာသည်။ အခန်းထဲမှာလည်း ပစ္စည်းတွေအားလုံးကဖရိုဖရဲ။ အိမ်အသစ်ကိုရွှေ့ရမယ့်နေ့မှာ ပစ္စည်းတွေပဲလာထားပြီး မိုးတို့လင်မယားအလုပ်ကိစ္စနဲ့ ခရီးထွက်ခဲ့တာကြောင့် အခုလို ဘာမှ အစီအစဉ်မကျဖြစ်နေခြင်းဖြစ်သည်။
“ ဗိုက်ဆာလိုက်တာကွာ” မောင့်ဆီကအသံထွက်လာသည်။
“အခုမှ ဗိုက်ဆာမနေနဲ့ လမ်းမှာတုန်းက တစ်ခုခုဝယ်လာခဲ့ပါဆို မဝယ်ဘဲနဲ့”
မောင်က ဘာမှပြန်မပြောတော့ဘဲ အထုတ်အပိုးတွေကိုနေရာချနေသည်။ တကယ်က မောင်သာမဟုတ် မိုးလည်း ဗိုက်ဆာနေပြီ။
” မောင် လမ်းထိပ်မှာ လက်ဖက်ရည်ဆိုင် ဖွင့်ထားတာတွေ့ခဲ့တယ်။ မောင်တစ်ခုခုသွားဝယ်ပါလားဟင်”
“အင်း ကောင်းသားပဲ အဲဒီမှာပဲစားမယ်လေ ချစ်လည်းလိုက်ခဲ့ပေါ့”
“မောင်ပဲ သွားဝယ်လိုက်ပါ မောင်ရယ်.. ချစ်ဒီမှာ သန့်ရှင်းရေးလုပ်ပြီး အိပ်ရာပြင်ထားနှင့်လိုက်မယ်။ အပြင်ထွက်စားနေရင် ပြီးမှာမဟုတ်ဘူး”
“အိုခေလေ”
မောင် ပိုက်ဆံယူပြီးအပြင်ထွက်သွားတော့ အိပ်ခန်းထဲဝင်ပြီး သန့်ရှင်းရေးလုပ်နေလိုက်သည်။
“ခစ် ခစ် ခစ် အဟင်းဟင်း”
တစ်ယောက်တည်း ကိုယ့်အတွေးနဲ့ကိုယ် အလုပ်လုပ်နေစဉ် အိမ်ရှေ့ခန်းမှ မိန်းကလေးတစ်ယောက်ရယ်သံကြားလိုက်ရ၍ ဆတ်ခနဲလန့်သွားသည်။ ဘာသံပါလိမ့်? အိမ်ရှေ့ခန်းကိုထွက်လာကြည့်တော့ ဘယ်သူမှမရှိဖရိုဖရဲဖြစ်နေသော ပစ္စည်းများသာရှိသည်။
“မောင်ရေ မောင်ရောက်နေပြီလား”
မိုးအော်ခေါ်ကြည့်တော့ ဘာသံမှ မကြားရ ….
အိမ်ရှေ့အိမ်နောက် ဝင်ကြည့်တော့လည်း ဘယ်သူကိုမှမတွေ့ရ… သူနားကြားမှားသလား။
ဘာပဲဖြစ်ဖြစ် ဆက်မတွေးတော့ဘဲ အလုပ်ဆက်လုပ်လိုက်သည်။ အိပ်ယာပြင်ပြီးတော့ မီးဖိုထဲဝင်ပြီး စားဖို့ပန်းကန်တွေ ဆေးကြောနေလိုက်သည်။ ပန်းကန်ဆေးနေရင်း တစ်ယောက်ယောက်က နောက်ကနေ ကြည့်နေသလိုလို ကိုယ့်နောက်ကနေ တစ်ယောက်ယောက်လှုပ်ရှားနေသလိုလို ချိုးချိုးချွတ်ချွတ်အသံတို့ ကြားနေရသည်။ စိတ်ထင်တာပဲဖြစ်မှာပါလေ….
“ဟားဟားဟား” …
“ဒုန်းဒုန်းဒုန်း”
နောက်မှ တဟားဟားအော်ရယ်သံနဲ့အတူ ဖြတ်ပြေးသွားသံကို ကြားလိုက်ရတော့ လန့်ဖျတ်သွားရုံမက တုန်ပင်သွားသည်။ နောက်ကိုလှည့်ကြည့်တော့ ဘာကိုမှ မတွေ့။ လုပ်လက်စအလုပ်များကိုချကာ အခန်းအပြင်ထွက်လာလိုက်သည်။
“မောင်ရေ .. မောင် ပြန်ရောက်ပြီလား”
မောင်များလားဆိုတဲ့ မျှော်လင့်ချက်နဲ့အော်ခေါ်ကြည့်တော့ ပြန်ထူးသံမကြားရ။ တစ်ကိုယ်လုံးကြောက်စိတ်နဲ့ တုန်ယင်နေသည်။
ထိုစဉ်မှာပင် ….
ဖြတ်ခနဲ အသံနဲ့ပင် တစ်အိမ်လုံးအမှောင်ကျသွားသည်။
အမှောင်ထဲမှာ မိုး တစ်ယောက်တည်း …….
ထိုစဉ် အခန်းထောင့်မှာ အရိပ်တစ်ခု ……
အရိပ်က အမျိုးသမီးတစ်ယောက်ပုံစံမျိုး ….
လူသားမဟုတ်သလို အရိပ်သက်သက်ပုံစံမျိုး …
ဒါပေမဲ့ သူ့မျက်နှာကိုတော့ သေသေချာချာမြင်နေရသည်။
မျက်လုံးတွေက ပြူးကျယ်နေသည် ….
ပါးစပ်ထဲမှာ လျှာကတွဲလောင်းကျနေပြီး သွေးလိုလိုအရည်တွေစီးနေသည်…
မိုး ကြည့်နေသည်ကို ထိုအရာကလည်း သတိထားမိသည် ….
သူကလည်း မိုးကို စိုက်ကြည့်နေသည် ….
ထို့နောက် သူ့လက်နှစ်ဘက်ကို ရှေ့သို့ ဆန့်တန်းလိုက်သည် …
အဓိပ္ပာယ်မသည်းကွဲသော အသံတစ်မျိုးကို အော်ဟစ်ရင်း မိုးဆီတစ်ဟုန်ထိုးပြေးလာလေသည် …
ဝုန်းခနဲအသံနှင့် ရှိသမျှတံခါးများအကုန်ပိတ်သွားသည် …
မိုး အသံကုန်ခြစ်ပြီး အော်လိုက်သည်
“မောင်ရေ ကယ်ပါဦး” ………
ထို့နောက်တွင်တော့ အရာရာသည် တိတ်ဆိတ်ငြိမ်သက်လျက်….
Credit : Sugar Cane
