ယူကလစ်ပင်နှင့် နေထိုင်မကောင်းဖြစ်သော ဆရာတော်
ရေးသားသူ - ကာရံငယ်
ရွာဦးက ဘုန်းကြီးကျောင်းဝင်းမှာ အလွန်အရ်ိပ်ကောင်းသော အပင်ကြီးများနှင့် စိမ်းစိမ်းစိုစို ရှိလှပါသည်။ နွေရာသီ တွင်ပင် အလွန် အရိပ်ကောင်း၍ ကလေးများ အမြဲ ဆော့ကစားရာ လူကြီးများ အမြဲ စကားစမြည် ပြောဆိုရာ နေရာ ဖြစ်ခဲ့သည်။ အဲဒီအပင်များထဲမှ ယူကလစ်ပင်တစ်ပင်သည် ကျောင်းဆောင် တစ်ခုနှင့် နီးကပ်စွာ ပေါက်နေသည် ။ အရွက်အကိုင်းများ လေတိုက်လျှင် အမြဲ ကျိုးကျသည်။
တနေ့ တွင် ဆရာတော် တပါးသည် အကိုင်းများ ကျိုးကျနေသည်ကို မြင်သော အခါ အနီးအနားတွင် လူရှိပါက အန္တရာယ် ရှိနိုင်သည့် အတွက် ယူကလစ်ပင်ကြီးအား ခုတ်ပစ်ရန် စီမံတော့သည်။ ခုတ်နေစဉ် အတွင်း အကိုင်းတစ်ခု ကျိုးကျ၍ ဆရာတော်သည် ခြေထောက် ပွန်းသွားသည်။ " ဒီယူကလစ်ပင် တော်တော်ဒုက္ခပေးတယ် မြန်မြန် ခုတ်ပစ်တာကောင်းတယ်ဟု " လွှတ်ကနဲ အော်ဟစ် ပြောဆိုလိုက်မိသည်။ များမကြာမီနေ့ များမှာ ယူကလစ်ပင် ခုတ်ခဲ့သော ဆရာတော်သည် နေထိုင်မကောင်း ဖြစ်ပါသည်။ ဗိုက်ကနာသလို ၀မ်းကလည်းသွားသည်။ ဆေးသောက် ဆေးကုသ သော်လည်း မပျောက်နိုင်ပဲ ကုတင်ပေါ်တွင်သာ တလှဲလှဲ နှင့်နေနေရသည်။
တနေ့  ဆွမ်းစားအပြီး စကားစမြည် ပြောဆိုနေချိန်တွင် ကျောင်းတိုင် ဆရာတော် ဆီသို့  အပြင်မှ အသက်ကြီးကြီး ခေါင်းပေါင်းနှင့် လူတယောက် ၀င်လာပြီး လျှေက်ထားသည်မှာ " ဤဘုန်းကြီးကျောင်းတွင် ဆရာတော် တစ်ယောက် နေမကောင်း ဖြစ်နေပါသလား ။ ဖြစ်နေလျှင် ဖြစ်ရသည်မှာ ဆရာတော်သည် အပင်တစ်ပင်အား အခွင့်မတောင်းပဲ ခုတ်လိုက်သောကြောင့် အပင်၌ မှီခိုလျှက် နေသော တစ်စုံတစ်ယောက်က ဒေါသထွက်၍ လုပ်လိုက်တာ ဖြစ်ကြောင်း ၊ ထိုတစ်စုံတစ်ယောက်အား တောင်းပန်ပြီး နေရာအသစ်ပေးလိုက်လျှင် အဆင်ပြေသွားမည် ဖြစ်ကြောင်း " လျှေက်တင်ခဲ့သည်။ စကားပြောနေစဉ် ကျောင်းတိုင် ဆရာတော်သည် တခြားကိစ္စ ကြောင့် သတိ သေချာ မပြုမိလိုက်မိပေ ။ သတိထားမိသော အခါ ထိုလူကြီးသည် မရှိတော့ပါ ။ ဘယ်ကလည်း ဘယ်သူသိလည်း မေးမြန်းသောအခါ ကျောင်းက မည်သူကမှ မသိ မတွေ့ မိကြောင်း ဆရာတော်ဘုရားကို လျှောက်ထားကြသည်။
နေမကောင်းဖြစ်နေသော ဆရာတော်သည်လည်း သက်သာ မလာပဲ တစ်နေ့ တစ်ခြား ပို၍ ဆိုးလာသည်။ နောက်ဆုံးတွင် ကျောင်းတိုင် ဆရာတော် ဘုရားသည် ဟုတ်သော်လည်း အမြတ်၊ မဟုတ်သော်လည်း အကျိုးမယုတ် ဟုတွက်ခါ လူကြီးပြောခဲ့သော စကားကို သတိရ၍ လူကြီး အကြံပြုချက်အတိုင်း လုပ်ရန် ဆုံးဖြစ်လိုက်သည် ။ ခုတ်ထားသော ယူကလစ်ပင် ကြီး အနားသွား၍ တောင်းပန်စကား ပြောကြားပေးသည် ။
"ဤယူကလစ်အပင်၌ မှီခိုလျှက် နေခဲ့သောသူ၊ အပင်အား ခွင့်မတောင်းပဲ ခုတ်မိသော ဘုန်းကြီးအား အပြစ်မယူရန် ၊ အများကောင်းကျိုးကို ကြည့်၍ ဘုန်းကြီးက ခုတ်ခဲ့တာ ဖြစ်ကြောင်း ၊ ဘေးနားက သရက်ပင်အား သူကို အစားပေးပါကြောင်း ၊ သရက်ပင်တွင် ပြောင်းရွှေ့ နေထိုင်ရန် နှင့် ဘုန်းကြီးကျောင်းမှ သူများကို နောင် ဒုက္ခ မပေးရန် တောင်းပန် " ပြောဆိုသည်။ နောက်နေ့ များမှ စ၍ နေထိုင်မကောင်းသော ဆရာတော်သည် သိသိသာသာ အခြေအနေ တိုးတက်၍ ပြန်ကောင်းမွန်လာသည်။
ကျွန်တော်ထင်ပါတယ်။ ဒီကိစ္စ တိုက်ဆိုင်သွားတာလည်း ဖြစ်ကောင်းဖြစ်မယ်။ တကယ်လည်း ဖြစ်ချင်ဖြစ်နိုင်သည် ။ ငယ်ငယ်ကတည်းက ကျွန်တော်ကြားဘူးသည်မှာ အပင်ကြီးများကို ခုတ်သည့်အခါပဲ ဖြစ်ဖြစ် တောအုပ်များကို ရှင်းသောအခါမှာပဲ ဖြစ်ဖြစ် သင်္ချိုင်းကုန်းများကို ရွှေ့ ပြောင်းသော အခါပဲ ဖြစ်ဖြစ် နဂိုနေရာများတွင် ရှိကောင်း ရှိနေနိုင်သောသူများ နေရာမပျောက်အောင် ဒုက္ခမရောက်အောင် အမျက်မထွက်အောင် သူတို့ အား နေရာအသစ် ပေးထားရပါသည်။ ခွင့်ပြုချက်တောင်းရပါသည်။
ဤ အယူအဆွဲကို ယုံကြည်သူများရှိသလို မယုံသူများလည်း ရှိပါသည်။ ကျွန်တော် ကတော့ ငယ်ငယ်ကတည်းက ဖြစ်ဖူးတာလေးတွေလည်း ရှိ ၊ ကျွန်တော့်အား ဆေးကုသပေးသော ဆရာကြံ ရှင်းပြခဲ့သည်များလည်း ရှိခဲ့တော့ ၊ မယုံတယုံပေမဲ့ အရှုံးမရှိဟု တွက်ခါ အပင်များ ခုတ်ခါနီးတိုင်း ခွင့်တောင်းတတ်သည့် အကျင့် စွဲနေပါသည်။
